Культуура күнэ

«Нэһилиэгим культуратын историята»

        Догдоҥо нэһилиэгэр быһа холоон 1938 сыллаахха «Аа5ар бала5ан» диэн тэриллибит. Иилээччи-саҕалааччы быһыытынан Петр Платонович Захаров-Бытаххай эбит, киниэхэ көмөлөһөөччүнэн Николай Иванович Степанов-Ноорой сылдьыбыт. Сүрүннээн кинилэр олоҥхо туруоруутунан, гастролларга сылдьыынан дьарыгыраллара/
1942 сыллаахтан ааҕар балаҕан сэбиэдиссэйинэн Михаил Павлович Захаров үлэлээбит.
1951-52сс. культурнай-сырдатар үлэҕэ сэрии кыттыылааҕа, буойун-поэт, Иннокентий Романович Захаров-Майаҕастыырап үлэлээбит.
1954-55 сылларга ааҕар балаҕан сэбиэдиссэйинэн кийиит кыыс Романова (Старостина) Татьяна Харлампьевна үлэлиир.
1957-58сыллартан ааҕар балаҕан суолтата улаатан, үлэтин хайысхата кэҥээн, кулууп уонна библиотека тэрилтэлэрэ буолан үлэлэрин салҕыыллар.
1965- 1967 Саввинова Александра Константиновна.
1970 сыллаахха Слепцов Кирилл Степанович үлэтин саҕалыыр.
      1978 сыллаахха саҥа кулууп оройуоҥҥа бастакынан культурнай-спортивнай комплекс тутуллан, саҥа сүүрээни «Сандалы» кафе арыйан үлэлэппитэ. Бу сылларга оройуоҥҥа «Культура тэрилтэлэрэ биир кэлим былаанынан!»- диэн кулууп, библиотека, киноустановка бииргэ үлэлээһиннэрин тэрийиигэ ыҥырыы таһааран үлэни көҕүлээбиттэрэ, оройуоҥҥа «Бастыҥ культура тэрилтэтэ» ааты ылбыттара. Музыкаҕа доҕуһуоллааччынан Спиридонов Егор Константинович үлэлээбитэ. Культура уонна спорт эстафетатыгар куруук инники күөҥҥэ сылдьыбыттара. Сайынын отчуттарга, фермаларга агитбригаданан сынньалаҥ киэһэлэрин, кэнсиэрдэри, киинэ көрдөрүүтүн тэрийэллэрэ, нэһилиэккэ араас хабааннаах тэрээһиннэри ыыталлара.

    1989-97сс. уус-уран салайааччынан Яковлева Изабелла Валериевна үлэлиир. Бу үлэлиир кэмнэригэр «Хаадьылаана» драм бөлөҕүн тэрийбитэ. Араас сылларга кини бөлөҕүн толоруутугар туруоруллубут «Мин түөлбэм-мин киэн туттуум», «Саҥа күн» агитбригада, «Сэрии толоонугар охтубуттарга аныыбыт» уус-уран ааҕыытын бөлөҕө, «Леди Босс» сценката дипломант, Манчаары Баһылай үбүлүөйүгэр анаан Иван Гоголев «Манчаары» романыттан быһа тардан көрдөрүү лауреат үрдүк аатын ылбыттара. Тематическай биэчэрдэр кулуупка буолаллара.
    Кэнники кэмнэргэ Культурнай киин диэн ааттаммыта. Биһиги нэһилиэккэ кулуупка үлэлээн ааспыттара: Татьяна Константинова, Избекова Полина Ивановна, Скрыбыкин Прокопий Прокопьевич, Степанова Ольга Николаевна, Захарова Мария Руслановна, Бережнева Елена Афанасьевна, Макарова Сардаана, Санникова Розалия, Тимофеева Варвара Сергеевна, Зыкова Тамара Ивановна, Катаев Петр Афанасьевич, Избекова Сахаяна уо.д.а.
 2013сылтан директорынан Гоголева-Сергеева Светлана Георгиевна ананан үлэтин түмсүүлээхтик саҕалаабыта. Түөлбэнэн үлэни сөргүтэн, култуура уонна спорт эстафетатыгар таҥас тигээһин, элбэх нэһилиэккэ кэнсиэрдээһин, акцияларга кыттыы. Кулууп иһинэн «Догдоҥо бэтиэхэлэрэ” көр-күлүү бөлөҕүн тэрийэн элбэх улуустарга гастроллаабыттара.
   Нэһилиэккэ общественнай түмсүүлэр үлэлииллэр- “Арчы” аҕам саастаах дьон түмсүүтэ салайааччы Скрыбыкина Октябрина Николаевна, “Күбэйэ” дьахталлар түмсүүлэрэ сал. Зыкова Тамара Ивановна, аҕалар түмсүүлэрэ сал. Пивоваров Иван Гаврильевич,”Сардаҥа” инбэлииттэр түмсүүлэрэ сал. Матвеева Светлана Николаевна, “Ыллык” ыччат түмсүүтэ сал. Егор Терентьев, түөлбэлэр “Эрэл” сал. Новгородова Александра Васильевна, “Дьулуур” сал. Баишева Александра Николаевна, “Алгыс” сал. Иванова Светлана Дмитриевна.
    2023с. култуура киинин директорынан Иванова Айталина Дмитриевна үлэлээн эрэр, специалистар Алла Иванова, Туяра Старостина үлэлииллэр.